Leksion i hapur i mbajtur nga Prof. As.Dr. Iva ZAJMI

Në vijim të aktiviteteve në kuadër të “Muajit të Evropës”, datë 6 maj, në mjediset e  Akademisë Profesionale të Biznesit u zhvillua një leksion i hapur i mbajtur nga Prof. As.Dr.  Iva ZAJMI.

Në këtë leksion të hapur, ku morën pjesë pedagogë dhe student të APB, u prezantua procesi i krijimit të Bashkimit Evropian si dhe sfidat dhe marrëdhëniet Shqipëri- Bashkimi Evropian. Gjithashtu, në formatin e tij, ishte parashikuar dhe një prezantim dhe punim individual nga vetë studentët. Studentja e drejtësisë, Brunilda Hoxha, solli përpara auditorit një prezantim mbi Rolin e Presidentëve të KE në procesin dhe integrimin institucional evropian. Aktiviteti u mbyll me një foto dhe me dëshirën dhe mesazhin që të gjithë së bashku duke punuar dhe duke menduar si evropianë mund të sjellim zhvillimin dhe integrimin në familjen evropiane.