Një finale e paharrueshme me shumë emocion!

Vërtet një finale e paharrueshme me shumë emocion! 
Një finale e jashtëzakonshme mes drithërimash, ishte kjo e sotmja midis perfaqësueses së Masterit vs Viti II (M)!
Nuk mjaftoi koha e rregullt për të përcaktuar fituesit e këtij kompeticioni, por u nevojit dhe shtesa për të vendosur rezultatin final Master vs Viti II (M) 5-4.
Pas një paraqitje dinjitoze studentët e Masterit e merituan plotësisht këtë trofe te “Kampionatit te minifutbollit KUB 2018-2019” dhe u shpallen kampion të këtij edicioni. 
Në këtë finale ishin të pranishem Drejtori i Studimeve të Larta Profesionale, Dr. Ardi Bezo, Dekan i Fakultetit të Drejtesisë, Prof. Asoc.Simon Gega, Presidenti i Kolegjit Universitar të Biznesit Prof. Asoc. Ylber Bezo, i cili dorëzoi dhe trofeun skuadrës fituese si dhe pedagogë dhe studentë të Kolegjit Universitar të Biznesit.
Duke ju uruar suksese për këtë arritje studentëve të Masterit, KUB dëshiron gjithashtu që një falenderim të veçantë t’ja kushtojë jo vetëm një prindi, jo vetëm një pedagog shumë i dashur, por dhe një ‘arbitër’ kompetent dhe karizmatik Dr. Enis Fida, njëkohësisht dhe zv. dekan i Fakultetit të Ekonomisë. 
Një falenderim i madh shkon për organizatorët, pedagogut tonë të palodhur dhe i kudogjendur, Pergjegjesit të Marredhenieve me Publikun, MSc Ledio Shytit. 
Nuk mund të rrimë pa falenderuar dhe Qeverinë Studentore, e cila me energjinë e saj, ka bërë të mundur që ky organizim të mari jetë sipas standarteve që ky institucion kërkon.