Vizita e Ambasadores Greke në Akademi!

Me rastin e Javës së Europës Akademia Profesionale e Biznesit pati kënaqësinë të mirëpriste sot më datë 10 Maj 2017 Znj. Eleni Sourani – Ambasadore e Greqisë në Shqipëri. Pasi u prit nga drejtuesit e APB-së, Znj. Ambasadore vizitoi mjediset e institucionit dhe më pas zhvilloi një bashkëbisedim me studentët tanë. Gjatë fjalës së saj, ndër të tjera, Znj. Sourani u ndal në çështjet si “Vlerat e bashkëjetesës së popujve evropianë”, “BE mundësi progresi dhe prosperiteti në kulturë, arsim, punësim, etj.”, si dhe “Historiku i marrëdhënieve të Greqisë me BE”. Pas fjalës së saj, Znj. Ambasadore iu përgjigj pyetjeve me shumë interes të studentëve. Në përfundim të takimit Znj. Sourani shprehu kënaqësinë për këtë bashkëbisedim me studentët dhe iu përgjigj pozitivisht ftesës së drejtuesve të institucionit për ta vizituar sërish APB-në.